Tuesday, January 26, 2010

Australia Day

ဒီကနေ့ အိပ်ရာနိုးလို့ အင်တာနက်ပေါ်တက်လိုက်တော့ Google Search ရဲ့ ပုံလေးပြောင်းနေတာတွေ့ရပါတယ်။ ထုံးစံအတိုင်း ဘာအထိမ်းအမှတ်နေ့လဲသိချင်လို့နှိပ်ကြည့်လိုက်ပါတယ်။ တွေ့တဲ့ပုံလေးက ဒီပုံလေးပါ။



အဲပုံလေးပေါ်ကို နှိပ်ကြည့်လိုက်တော့ ဒီနေ့ က Australia Day မှန်းသိလိုက်ရပါတယ်။ တကယ်တော့ ဒီကနေ့က သြဇီမှ ရုံးပိတ်ရက် ကျောင်းပိတ်ရက် ဟောလီဒေးဖြစ်ပါတယ်။ ကျွန်တော့်သူငယ်ချင်း ကျောင်းတက်တဲ့သူတွေအကုန်လုံး ကျောင်းမသွားရပါဘူးတဲ့။
Australia Day ဆိုတာဘာလဲဆိုပြီး Wiki မှာရှာကြည့်လိုက်တော့ -
ဇန်နဝါရီ ၂၆ ရက်နေ့ဟာ Australia Day လို့သတ်မှတ်ပါတယ်တဲ့။ သြဇီကို ၁၇၈၇ခုနှစ်တုန်းက အင်္ဂလန်ကနေ သင်္ဘော ၁၁ စင်း ပါတဲ့ First Fleet စရောက်တာကို အမှတ်တရ အထိမ်းအမှတ် အဖြစ် သတ်မှတ်ထားတဲ့ နေ့ရက်ပါ။ သြဇီ အရှေ့ဘက်ကမ်းခြေ ကို အင်္ဂလိပ်တွေစရောက်ပြီး အလံစထူကာ Australia ဆိုတဲ့ နိုင်ငံကို ထူထောင်လိုက်တဲ့ အထိမ်းအမှတ်အနေနဲ့လည်းဖြစ်ပါတယ်။
ဒါကတော့ Australia Day ဆိုတာလေးအကြောင်းကို ရှာဖွေတွေ့ရှိတာပါ။
ယနေ့ သြဇီလူမျိုးတွေက သူငယ်ချင်းတွေနဲ့ စုဝေးပြီး BBQ လုပ်စားကြတယ်။ ပျော်ပွဲစားတွေထွက်ကြတယ်။ ကားတွေမှာလည်း သြဇီအလံလေးတွေလွှင့်လို့။ ပျော်ပျော်ပါးပါးဆင်နွှဲကြပါတယ်။ အခုအိမ်ဘေးမှာ သြဇီတွေစုပြီး ဘီယာတွေသောက် BBQ တွေလုပ် သီချင်းတွေဖွင့်နဲ့ တော်တော်ပျော်နေကြတဲ့ပုံပါပဲ။

xxxxxxxxxxxxxxxxxxxxxxxxxxxxxxxxxxxxxxxxx

အဲဒါတွေကိုတွေကို ကြည့်ပြီး ကိုယ့်မြန်မာပြည်အကြောင်းပြန်စဉ်းစားမိပါတယ်။ ဒီလို နေ့ထူးနေ့မြတ်တွေက မြန်မာပြည်မှာ အများကြီးပါ။ ဒါပေမယ့် မြန်မာလူမျိုးတွေ ဘယ်လို အထိမ်းအမှတ်ပွဲတွေ ဆင်နွှဲရမယ်ဆိုတာမေ့ကုန်ပြီထင်ပါရဲ့။ ကျွန်တော်ငယ်ငယ်က လွတ်လပ်ရေးနေ့ဆို လမ်းထဲမှာ တခြားသူတွေနဲ့ အပြေးပြိုင်ပွဲတွေ အာလူးကောက်ပြိုင်ပွဲတွေ ပြိုင်ပွဲမျိုးစုံ ပျော်ပျော်ကြီး ဝင်ပြိုင်ဆင်နွှဲဖူးပါတယ်။ အဲတုန်းက ဇန်နဝါရီ လေးရက်နေ့ဆို အမြဲပျော်နေကြပါ။ ဘယ်တော့မှလည်းမမေ့ပါဘူး။ ဒါပေမယ့် အခုနောက်ပိုင်း အဲလိုမျိုး ပျော်ပွဲရွင်ပွဲတွေ လုပ်တော့တဲ့ပုံမပေါ်ပါ။ဇန်နဝါရီလ လေးရက်ဆို လမ်းထဲမှာ ခြောက်ကပ်နေပါပြီ။ နေ့ထူးနေ့မြတ်တွေမှာ အထိမ်းအမှတ်ပွဲတွေ ဆင်နွှဲကြတဲ့ပုံပေါ်တော့ပါဘူး။ တော်တော်လေးကို ဝမ်းနည်းမိတယ်။ ကျွန်တော်တို့မြန်မာနိုင်ငံမှာ နောင်နှစ်တွေကြာလာရင် လွတ်လပ်ရေးနေ့၊ အမျိုးသားနေ့၊ အာဇာနည်နေ့ စတဲ့ နေ့ထူးနေ့မြတ်တွေက သာမန်ရုံးပိတ်ရက် ကျောင်းပိတ်ရက်လိုပဲ လူတွေရင်ထဲမှာရှိနေတော့မလား။ လွတ်လပ်ရေးနေ့ဆိုတာဘာလဲ၊ အမျိုးသားနေ့ရဲ့ အနှစ်သာရကဘာလဲ ဆိုတာတွေ ကျွန်တော်တို့ ညီလေးညီမလေးတွေစိတ်ထဲမှာ ကျန်ဦးမလားမသိ။ နောက် ဂျန်နရေးရှင်းတစ်ခုရဲ့ စိတ်ထဲမှာ မြန်မာလူမျိုးတွေရဲ့ အနှစ်သာရနဲ့ ယဉ်ကျေးမှုတွေကို ထည့်သွင်းပေးဖို့ ကျွန်တော်တို့မှာ တာဝန်ရှိတယ်လို့ ခံစားမိပါတယ်။

နေတိုက်ရှိန်း

1 comment:

  1. yes..in my opinion..some dun know our leader..really...next 10 years..it'll change a bit to our country..:)
    it is now already a usual holidays for these event days..:)

    ReplyDelete