Thursday, January 21, 2010

ဟာသ (၁)


ဒီရက်ပိုင်း ပျင်းလို့ ဘလော့ရေးလိုက် စာဖတ်လိုက်ပဲလုပ်ဖြစ်နေပါတယ်။ ဖတ်တဲ့စာအုပ်တွေကတော့အစုံပဲ။ ဟာသစာအုပ်တွေလည်းပါတာမို့ ဖတ်မိတဲ့ရယ်စရာဟာသလေးတွေတင်ပေးပါမယ် . . .

၁။
တည်းခိုခန်းသို့ လူတစ်ယောက် ရောက်လာသည်။ တစ်ညမျှတည်းခိုရန်ဖြစ်သည်။

တည်းခိုခန်း မန်နေဂျာက ဧည့်သည်များ မှတ်ပုံတင်စာရင်းစာအုပ်ကိုဖွင့်လိုက်သည်။ ကြမ်းပိုးတစ်ကောင်ကိုမြင်ရာ တည်းခိုမည့်သူကမေးသည်။

“ ဒါဘာလဲ ”

“ ကြမ်းပိုး ”

နောက်ကိုတစ်လှမ်းဆုတ်လိုက်ပြီး လူငယ်ကပြောသည်။

“ တည်းခိုခန်းမှာ ကြမ်းပိုးရှိတာကို ကျွန်တော်ဘာမှမပြောလိုပါဘူး။ ဒါပေမယ့် ခင်ဗျားကျွန်တော့်ကို ဘယ်အခန်းပေးမယ်ဆိုတာကို ဒီကောင်တွေ ထွက်ကြည့်တာတော့လွန်လွန်းပြီထင်တယ်”


၂။
စခန်းမှုးက အပြေးချန်ပီယံဟောင်းရဲသားကိုပြောသည်။

“ ထွက်ပြေးတဲ့ သူခိုးကို နောက်တစ်ခါမီတာနှစ်ရာအကွာအထိ ဖြတ်ကျော်တက်ရင် မင်းကို ငါ အလုပ်ဖြုတ်ပစ်မယ် ”


၃။
တိုက်ပွဲမှ ပြန်လာသော ရဲဘော်ကို သူငယ်ချင်းများက ဝိုင်းမေးသည်။

“ ဟေ့ မင်း တစ်ဖက်ရန်သူကို မြင်ခဲ့ရဲ့လား ”

“ ဟင့်အင်း။ ငါ့မှာ နောက်ပြန်လှည့်ကြည့်တတ်တဲ့ အကျင့်မရှိဘူးကွ ”


၎။
“ မနေ့က ကျွန်တော့်ကြောင့် မိန်းမနှစ်ယောက်ရိုက်လားပုတ်လားအထိဖြစ်ကြတယ်။ ”

“ ဟာ၊ မဖြစ်နိုင်တာပဲ ”

“ မယုံမရှိနဲ့ ကိုယ်တွေ့ဗျ။ တစ်ယောက်ကအော်ပြောတယ်။ နင့်အကောင်နင်ပြန်ယူတဲ့။ နောက်တစ်ယောက်က ကက်ကက်လန်ပြန်ပြောတယ်။ ဒီအကောင်ကို ငါဘာလုပ်ရမှာလဲတဲ့ ”


၅။
လူငယ်သည် ဒုတိယအထပ်သို့ လှေကားထောင်ပြီး တက်လာသည်။ အမှောင်ထဲတွင် ၎င်းက လှမ်းမေးသည်။

“ အချစ်ရေ၊ မင်းဘယ်မှာလဲဟေ့ ”

“ ကျွန်မ ဒီမှာ။ တိုးတိုးပြောပါရှင့်။ ဖေဖေ နိုးသွားပါဦးမယ် ”

“ မစိုးရိမ်နဲ့။ မင်းဖေဖေ လှေကားကို အောက်ကနေကိုင်ပေးထားတယ်။ သူကပြောတယ်။ မင်းအမေကိုပါ တစ်ပါတည်းခေါ်သွားနိုင်ရင် ငွေငါးသောင်း ပေးလိုက်ဦးမှာတဲ့ ”


ရယ်မောခြင်းဖြင့်ပျော်ရွှင်နိုင်ပါစေ။

မောင်ကောင်းထိုက်ဟာသပဒေသာမှ ကောက်နုတ်ဖော်ပြသည်။

No comments:

Post a Comment