ဆယ်ကျော်သက် အကျင့်ဆိုး (၇)ခု

ပတ်ဝန်းကျင်မှ အတွေ့ရများတဲ့ ဆယ်ကျော်သက်တွေရဲ့အကျင့်ဆိုးတွေပါ။ ဆယ်ကျော်သက်အရွယ် သူငယ်ချင်းတို့ကော ဒီလိုအကျင့်တွေထဲက ဘယ်နှစ်ခုရှိနေပြီလဲလို့ တွေးကြည့်ကြပေါ့။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

(၁) တရားခံရှာ (React)

စစ်အေးခေတ်က ရေပန်းစားဖူးတဲ့ အပေါစားပြက်လုံးတစ်ခုရှိတယ်။ လူငယ်တစ်ယောက်က လမ်းလျှောက်သွားရင်း မတော်တဆ ခလုတ်တိုက်မိတယ်တဲ့။ ချက်ချင်းပဲ အခုလိုတုန့်ပြန်လိုက်တယ်။ “ ဒါ နယ်ချဲ့စနစ်ကြောင့်ပဲ ”။ အလိုမကျစရာ တစ်ခုခု၊ အခက်အခဲတစ်ခုခု၊ ပြဿနာတစ်ခုခုဖြစ်ပြီ ဆိုတာနဲ့ ဘာမှ စဉ်းစားမနေတော့ဘဲ တရားခံတစ်ယောက်ယောက်ကို ဆိုင်ဆိုင်မဆိုင်ဆိုင် အမြန်ဆုံးရှာလိုက်တဲ့ အကျင့်ပါ။

(၂) ခြေဦးတည့်ရာ (Begin with no end in mind)

ကိုယ်ဘာဝါသနာပါသလဲ၊ ကိုယ်ဘာဖြစ်ချင်လဲ၊ ကိုယ့်ကိုယ်ကို မေးကြည့်။ သူများပြောတာတွေ နားမယောင်နဲ့။ ကိုယ့်ကိုယ်ကို ရိုးရိုးသားသား ဆန်းစစ်လိုက်တော့ ဘာတစ်ခုမှ ဟုတ်ဟုတ်ငြားငြား ဝါသနာမပါတာက များတယ်။ နက်ဖြန်ဆိုတာ မတွေးဘူး။ ဒီနေ့ဆိုတဲ့အခိုက်အတန့်လေးမှာပဲ နေတယ်။ စားပြီးအိပ်နေ ဘိက္ခဝေ၊ သေရင်ပက်လက် နတ်ပြည်တတ် ... ။ သိပ်နိပ် .... ။

(၃) ကြုံသလို ကျပန်း (Put first things last)

စာကျက်မလို့ စားပွဲထိုင်လိုက်တယ်။ တီဗီက ဇာတ်ကားကောင်းတာနဲ့ စားပွဲကထ တီဗီရှေ့ရောက်။ ဒီနေ့ အဝတ်လျှော်မယ်စိတ်ကူးနေတုန်း သူုငယ်ချင်းကလာခေါ်၊ လက်ဖက်ရည်ဆိုင် တစ်နေကုန်ထိုင်။ ကာယလေ့ကျင့်ခန်းလုပ်လိုက်ဦးမယ်၊ အင်္ကျီလည်းချွတ်ရော တယ်လီဖုန်းက မြည်လာပြီ “ ဟဲလို အမိန့်ရှိပါခင်ဗျား၊” “အို ဆွီတီလား အိုကေ”။ ပျော်စရာတော့ တော်တော်ကောင်းမယ်။ ဘာအရေးကြီးဆုံးလဲ၊ ဘာကိုအရင်စလုပ်မလဲ၊ မစဉ်းစားဘူး။ ကြုံသလိုကျပန်းပဲ လုပ်ပစ်လိုက်မယ်။

(၄) သူသေကိုယ်ရှင် (Think Win-Lose)

“ ငါ့ကို ဒီလိုကျောလို့ဘယ်ရမလဲ ”၊ “ စဉ်းစားစမ်း ဒီကောင့်ကို ဘယ်လိုဆော်ပစ်ရမလဲ ”၊ “ကေသရာဇာ ဆိုတာ တစ်ကောင်တည်းကွ၊ ဘယ်တော့မှ နှစ်ယောက်အဖြစ်မခံနိုင်ဘူး ”။ ကိုယ်နဲ့ စာပြိုင်ဘက်၊ ဒါမှမဟုတ် ရည်းစားလုဘက်၊ ဒါမှမဟုတ် တစ်ခုခုအပြိုင်ဖြစ်နေတဲ့လူတိုင်းအပေါ်ထားလေးရှိတဲ့ သဘောထားပါ။ နိုင်ရင်နိုင်၊ မနိုင်ရင် ခြေကန့်လန့်ထိုးလိုက်မယ်ဆိုတဲ့အကျင့်ပါ။ “ အချစ်နဲ့စစ်မှာ မတရားတာမရှိ” လို့ဆိုပေမယ့် အရာရာ ဒီအတိုင်ပဲ ကျင့်သုံးပါတယ်။

(၅) မင်းမပြောနဲ့ ငါပြောမယ် (Seek first to talk, then pretend to listen)

လူမှာပါးစပ်ရော နားရော ပါပေမယ့် များသောအားဖြင့် နားကိုမေ့နေကြပါတယ်။ ပါးစပ်ကိုပဲ စိတ်စေရာ ခိုင်းတတ်ကြတယ်။ လူတစ်ယောက်တွေ့ပြီဆိုတာနဲ့ စကားတွေ တရစပ်ပြောတော့တယ်။ မလွဲသာလို့ နားထောင်ရပြီဆိုရင်လဲ နားထောင်ချင်ယောင်ဆောင်ပြီး နောက်ထပ်ကိုယ်ပြောရမယ့် စကားတွေကိုသာ တွေးနေတတ်တယ်။ သူများ အာလူးဖုတ်တာ ဘာလို့နားထောင်ရမှာလည်းဗျာ။ ပျင်းစရာကောင်းမှကောင်း၊ ကိုယ်တိုင်မိန့်ခွန်းခြွေရတာမှ အရသာ။

(၆) တစ်ကိုယ်တော် ရိန်းဂျား (Don't Cooperate)

ဒီကောင်တွေ ဘယ်လောက်တော်လို့ ဒင်းတို့နဲ့ပူးပေါင်းရမှာလဲ။ ငါ့ဆီက အရည်အချင်းတွေကို အသုံးချချင်လို့ စကားလုံးလှလှလေးတွေနဲ့လာရောနေတာ။ ဘာပူးပေါင်းဆောင်ရွက်ရေးလဲ၊ သွားစမ်းပါ။ ကိုယ့်မြင်းကိုယ်စိုင်း၊ စစ်ကိုင်းရောက်။ ကိုယ့်လှေကိုယ်ထိုး ပဲခူးရောက်ရောက်။ ဒင်းတို့နဲ့ ဘာဆိုင်လို့လဲ ... ။

(၇) ပုရောဟိတ် စတိုင် (Wear Yourself Out)

မပြည့်တဲ့အိုး ဘောင်ဘင်ခတ်မြဲပါ။ ငါကရေပြည့်အိုးပဲ ဘာမှထပ်ဖြည့်စရာမလိုတော့ဘူး။ ငါ့မှာ အမှန်တရားရှိပြီးပြီ။ နောက်ထပ်အမှန်ရစရာ မလိုတော့ဘူး။ အလကားအချိန်ဖြုန်းတာတွေ။

ဒီအကျင့်တွေဟာ ကောင်းလားမကောင်းလား သူငယ်ချင်းတို့ကိုယ်တိုင်ပဲစဉ်းစားကြည့်ကြပါ။
ဒါတွေဟာ ကျဆုံးခန်းအတွက် ရုံဝင်လက်မှတ်တွေဖြစ်ပါသတဲ့။

စာရေးဆရာ(ဦး)ကျော်ဝင်း ဘာသာပြန်သော နှစ်ဆယ့်တစ်ရာစု သားရွှေဥ စာအုပ်မှ ကောက်နှုတ်ဖော်ပြသည်။
Original Writer : Sean Covey - The 7 Habits of Highly Effective Teens