Sunday, January 24, 2010

ဟာသ (၆)

ဟာသလေးတွေထပ်တင်ပေးလိုက်ပါတယ်။ ရယ်မောပျော်ရွှင်နိုင်ကြပါစေ။

၁။
ဦးလောဘဟာ ကိုယ်ကျိုးကိုပဲကြည့်တတ်သူဖြစ်ပါတယ်။ သူ့လက်အောက်မှာ အလုပ်လုပ်တဲ့သူအကုန်လုံးကို တန်အောင်ခိုင်း မနားမနေခိုင်းတတ်ပါသတဲ့။ အလုပ်ဆင်းလို့အိမ်ပြန်ရင်ကိုပဲ အိမ်မှာလုပ်ခဲ့ဖို့ အလုပ်တွေပေးပေးလိုက်တဲ့သူမျိုးပါ။ တစ်နေ့တော့ အရောင်းစာရေးကြီးရဲ့အသံကို ဦးလောဘအခန်းထဲကနေ ကျယ်ကျယ်လောင်လောင်ကြားလိုက်ရတယ်။ ဦးလောဘကို လှိုက်လှိုက်လဲလဲ ကျေးဇူးတင်စကားပေါ့ -

“ ဆရာရယ်၊ ကျေးဇူးတင်လိုက်တာ။ ဆရာ့ရဲ့ကြင်နာသနားမှုကို ကျွန်တော်အမြဲသတိရနေမှာပါ။ ကျေးဇူးပါပဲ ” ဆိုတဲ့စကားပေါ့။

ဒီစကားကြောင့် ဝန်ထမ်းအားလုံးအကုန်အံ့အားသင့်နေကြတယ်။ အရောင်းစာရေးကြီးလည်းထွက်လာရော အားလုံးဝိုင်းမေးကြတယ်။

“ ဘယ်လိုတုန်း စာရေးကြီး၊ ဘော့စ်က ခင်ဗျားကိုဘာပေးလိုက်လို့လဲ ”

“ ခွင့်ယူတာ မပေးလို့ပါ ”

“ ဗျာ၊ ဒါနဲ့များ ကျေးဇူးတင်နေရသေးလား ”

“ တင်ရတာပေါ့။ မိန်းမက ဈေးဝယ်ထွက်ဖို့ခွင့်ယူခိုင်းတာကိုးဗျ ”


၂။
“ ဦးလေး . . ဦးလေး . . ကျွန်တော့်ကို ငွေတစ်သောင်းလောက် ချေးပါလား။ မိန်းမက မရရအောင်ရှာခဲ့တဲ့။ ပိုက်ဆံမရဘဲ အိမ်ကို မပြန်ရဲလို့ပါ ဦးလေးရယ် ”

“ ငါ့တူရယ်၊ မင်းကို ပိုက်ဆံတော့ ချေးချင်ပါရဲ့။ မင်းအဒေါ်အကြောင်းလဲသိသားနဲ့၊ ချေးမိရင် ငါလည်း အိမ်ပြန်ရဲမှာ မဟုတ်ဘူးကွ ”


၃။
“ ဟဲလို မောင်စိုးလား ”

“ ဟုတ်ပါတယ်၊ ဘယ်သူပါလဲ ”

“ ငါပါ သံချောင်းပါ။ ဆယ်တန်းတုံးက တူတူထိုင်ခဲ့ကြတာလေကွာ ”

“ သြော် အေး မှတ်မိပြီ ”

“ အမှတ်သုံးကျောင်းမှာ နေခဲ့တဲ့ မောင်စိုးနော် ”

“ ဟုတ်ပါတယ် သံချောင်းရ ”

“ မင်းမောင်စိုးဟုတ်တာသေချာတယ်နော်၊ မင်းအသံကတစ်မျိုးပဲ ”

“ အအေးမိ လည်ချောင်းနာနေလို့ အသံတစ်မျိုးဖြစ်နေတာပါ ”

“ မောင်စိုး ဟုတ်တာသေချာရင် ငါပြောမယ် ”

“ ဟုတ်ပါတယ်၊ မောင်စိုးပါ ”

“ အေး၊ တခြားမဟုတ်ဘူးကွာ။ ငါငွေတစ်သောင်းလောက် ချေးချင်လို့ကွ ”

“ အေး ကောင်းပြီလေ၊ မောင်စိုးပြန်လာရင် ငါပြောလိုက်မယ် ” - ဖုန်းချသွားလေသည်။


၎။
“ တရားခံ၊ မင်းအမှန်အတိုင်းပြောပါ ”

“ တရားသူကြီးမင်းက ထောင်မချပါဘူးလို့ ကတိပေးလေဗျာ ”


၅။
“ အားလုံးမြင်ရရဲ့လား မောင် ”

“ အင်း ”

“ ဘေးက လက်တင်တဲ့အတန်းကော ကောင်းရဲ့လား ”

“ ကောင်းပါတယ် မေရဲ့ ”

“ ထိုင်ရတာ အားလုံးအဆင်ပြေတယ်နော် ”

“ ပြေပါတယ် မေ ရဲ့ ”

“ ဒါဆို နေရာချင်းလဲထိုင်ရအောင် နော် ”

No comments:

Post a Comment