Thursday, January 28, 2010

အမေ



အမေ . . .

လူ့ လောကထဲကို စရောက်ကတည်းက ကျွန်တော့်အနားမှာရှိခဲ့တဲ့အမေ . . .

ကျွန်တော်မသိတတ်ခဲ့ပါ . . .

ငါးနှစ်အရွယ်ကျောင်းစတက်ကတည်းက ဆယ်တန်းအထိ မနက်မနက်တိုင်း အစောကြီးထပြီး ကျောင်းအတွက် ထမင်းဘူးပြင်ပေးခဲ့တဲ့ အမေ . . . အမေ ပင်ပန်းခဲ့တာကို ကျွန်တော်မသိတတ်ခဲ့ . . . အကစားမက်ပြီး ထမင်းဘူးကို ကုန်အောင် နေ့တိုင်းမစားခဲ့ဘူး . . .

ကျောင်းတွေပြန်ဖွင့်တဲ့ဇွန်လရောက်တိုင်း အတန်းပိုင်ဆရာမအသစ်နဲ့ အဆင်ပြေအောင် အမြဲလိုက် အပ်နှံပေးခဲ့တဲ့အမေ . . .
ဘောလုံးဝါသနာပါတဲ့ ကျွန်တော်အမြဲပူဆာခဲ့တယ် . . . ဘောလုံးအင်္ကျီ ဘောလုံးကန်ဖိနပ် . . . အသစ်တွေအမြဲဝယ်ချင်ခဲ့တယ် . . .
ကျွန်တော် အမြဲပျော်ရွင်ခဲ့ရတယ် . . . အမေ အမြဲတမ်း ကျွန်တော် ပူဆာသမျှ လိုလေသေးမရှိအောင်ထားခဲ့တယ် . . .

ကျွန်တော် မသိတတ်ခဲ့ပါ . . .

ကိုးတန်းဆယ်တန်း အထက်တန်းရောက်လာတော့ ကျူရှင်တွေကောင်းနိုင်သလောက်ကောင်းအောင်ထားပေးတယ် . . .
ထူးချွန်စာမေးပွဲတွေသွားဖြေတိုင်း ကျွန်တော့် နောက်က အမြဲ အားပေးနေခဲ့တယ် . . .
လပတ်စာမေးပွဲတွေမှာ အဆင့် ကောင်းကောင်းရတိုင်း ပျော်ခဲ့တဲ့ အမေ . . .

ကျောင်းမှာ ရှိတဲ့ဆရာမတွေတောင် အံသြရတဲ့ အမေ . . .
ကျွန်တော့်ကို လိုလေသေးမရှိအောင် အရာရာလိုက်လျောခဲ့ပြီး စာကိုပဲအာရုံစိုက်စေခဲ့တဲ့ အမေ . . .
ဆရာမတွေက ပြောတယ် . . . မင်းစာတွေရတာ မင်းတော်တာမင်းကြောင့်မဟုတ်ဘူး . . . မင်းအမေကြောင့်တဲ့ . . .
ဟုတ်ပါတယ် အမေ . . . အမေဘေးမှာ အမြဲအားပေးမနေခဲ့ရင် ကျွန်တော် စာကြိုးစားမိမှာမဟုတ်ဘူး . . . အမှတ်တွေလည်းကောင်းခဲ့မှာ မဟုတ်ဘူး . . .

ဒါပေမယ့် ကျွန်တော် ညံ့ခဲ့ပါတယ် အမေ . . .
အမေ မျှော်လင့်ခဲ့သလို ကျွန်တော် ထိပ်ဆုံးမရောက်ခဲ့ဘူး . . .
ဒါပေမယ့် အမေ ဘယ်တော့မှ ကျွန်တော့်အပေါ်စိတ်မပျက်ခဲ့ပါဘူး . . .

ဆယ်တန်းပြီးတော့လည်း နိုင်ငံခြားမှာ ကျောင်းသွားတက်ရအောင် ကျူရှင်မျိုးစုံ သင်တန်းမျိုးစုံ တက်ခိုင်းတဲ့အမေ . . .
PSB ကို တက်ဖို့ အမေ အေးဂျင့်တွေဆီမှာ ရအောင်ပြောပေးပြီး ကျောင်းလျှောက်ပေးခဲ့တယ် . . . ကျွန်တော်ကတော့ အကြောက်အကန် မသွားဘူးလို့ မသိတတ်စွာနဲ့ ငြင်းခဲ့တယ် . . .

ဒါပေမယ့် အမေ တိုက်တွန်းတာ ကျွန်တော့်ဘဝအတွက် အမှန်ကန်ဆုံးဖြစ်ခဲ့ပါတယ် . . . တက္ကသိုလ်ကို မြန်မြန်နဲ့ ပြီးအောင်တက်နိုင်တဲ့ အခြေအနေရောက်ခဲ့ပါတယ် . . .

အမေနဲ့ ညီလေး စင်ကာပူမှာရှိနေတာတောင် သြစတေးလျမှာ ကျောင်းတက်ချင်တယ်ဆိုပြီး ကျွန်တော် ပူဆာခဲ့ပြန်တယ် . . . ကျွန်တော် စိတ်ချမ်းသာရအောင် အမြဲ လိုက်လျောပေးခဲ့တယ် . . . အခုသြစတေးလျရောက်နေတဲ့ ကျွန်တော် အမေ့ကို အမြဲလွမ်းမိပါရဲ့ . . .

အရွယ်ရောက်လို့ ချစ်သူရည်းစား ကျွန်တော်ထားခဲ့ပြန်တော့လည်း အမေမကြိုက်ပေမယ့် ကျွန်တော်ပျော်အောင် ဘာမှ မပြောခဲ့ဘူး . . .
ကျွန်တော့် အပေါ်တင်မက ချွေးမလောင်းအတွက်ပါ စေတနာပိုခဲ့တဲ့ အမေ . . .

အမေ
ကျွန်တော်မသိတတ်ခဲ့ပါဘူး . . .

xxxxxxxxxxxxxxxxxxxxxxxxxxxxxxxxxxxxxxxxxxxx

အမေ . . .
စာတွေမှာ မိဘကျေးဇူး ကို မြင့်မိုရ်တောင်နဲ့နှိုင်းတယ် . . .

ဒါပေမယ့် အမေ့ အချစ် အမေ့ကျေးဇူးက သားအတွက်မြင့်မိုရ်တောင်ထက်ကြီးပါတယ် . . .
သား အပေါ်ထားခဲ့တဲ့ အမေ့မေတ္တာ ဘာနဲ့မှ နှိုင်းယှဉ်လို့မရပါဘူး . . .

သားမသိတတ်ခဲ့ပါဘူး . . .
သား အမေ့အပေါ် ပြန်ပြီး ရန်တွေ့ခဲ့တာတွေရှိခဲ့တယ် . . .
သား အမေ့စေတနာကို စော်ကားခဲ့တာတွေရှိတယ် . . .
သားအတွက် အမေစိတ်ဆင်းရဲခဲ့ရတယ် . . .
သားအတွက် အမေ ပင်ပန်းခဲ့ရတယ် . . .

သား က သားမိုက်ပါအမေ . . .
ဒါပေမယ့် သားလိမ္မာအောင်ကြိုးစားပါ့မယ် . . .

သားသည်အမေ
မိုင်ရှည်တာဝေး
အပြေးသမား။ ။
သားသမီးချစ်
သက်လုံဖြစ်အောင်
ပြောင်းပစ်လေလား။ ။
( မိခင်မာရသွန် - ကြည်အောင် )

အမေ . . .
သားအတွက် အမေ မနားတမ်း မာရသွန်ပြေးသလို ဂရုတစိုက် အရိပ်တကြည့် ချစ်ခဲ့တာ အမေ ပင်ပန်းသွားပါပြီ . . .
ဒါပေမယ့် ဘယ်တော့မှ အမေ ပန်းတိုင်ကို ခြေကုန်လက်ပန်းကျပြီး မဝင်ရပါဘူး . . .

အမေ မာရသွန်ဆက်မပြေးရတော့ပါဘူး . . .
နောက်နှစ်ဆို သား ဘွဲ့ရပါပြီ . . .
အမေပင်ပန်းခဲ့တာတွေအားလုံးကို အနားယူပြီး စိတ်ချမ်းချမ်းသာသာနေနိုင်ပါပြီ . . .
သား ကိုယ့်ခြေပေါ်ကိုယ်ရပ်နိုင်တော့မှာပါ . . .

အမေ့ကိုလုပ်ကျွေးပါရစေ အမေ . . .
ကျွန်တော်ချစ်တဲ့ အမေ့ကို ကျွန်တော့်ကြောင့် ပျော်ရွှင်ရတာ မြင်ချင်လို့ပါ . . .

သားအတွက် အမေအမြဲစိတ်ချမ်းသာနိုင်ပါစေ . . .
အမေ့ဘဝ နှောင်နှစ်ပေါင်း ငါးဆယ် ခြောက်ဆယ်အထိ ကျွန်တော်တို့မိသားစုတွေအတူတူနေထိုင်နိုင်မှာပါ . . .

အဝေးရောက်နေပေမယ့်လည်း ဘယ်တော့မှ အမေ့ကိုမမေ့ပါဘူး . . .
ဒီနေ့ ဇန်နဝါရီ ၂၉ ရက်နေ့မှာ ကျတဲ့ အမေ့မွေးနေ့မှာ အမေပျော်ရွှင်နိုင်ပါစေ . . .

အမေ့အနားမှာ မရှိလို့ အဝေးကနေပဲ ဦးခိုက်ကန်တော့ရင်း

~ သားကြီး

2 comments:

  1. really good...it can really grab my mind also..because of ur words..now i m missing my mum and dad so much...:)
    !_!
    !_!
    really..it can grab my mind..:)
    thz for reminding of parents love on their child..:)

    ReplyDelete
  2. really touching words and those are true =) and is really good

    ReplyDelete